آیاز بیین درین و دوشونجه لی روحونا سونولور
نامرد زامان
زامان گاهدان ترسه باغلیر شئله سین
سیلکه له ییر جانین آلیر کره سین
ائل یولو ندا چالیشانین ده ده سین
بئله اودلور ، اینجی ییره م اؤزومده ن
برک برک باقلیر دوشونجه نی قوللاری
چکیر یولور باغد ا بیتن کوللاری
ائل قایغی سی داشییانین یوللاری
باقلی قالیر ، اینجی ییره م اؤزومده ن
بولبوللرین تیکیر آغزین دوداغین
د هره لیییر آغاجلارین ، بوداغین
گؤزلر قالیر اول یوزونده بوداغین
گؤز قارالیر ، اینجی ییره م گؤزومده ن
هر ده ن دو شور بیر نامردین الینه
خزان سالیر باغچالارین گولونه
ائلمان حسرت قالیر آنا دیلینه
سؤز بوقولور ، اینجی ییره م سؤزومده ن
چوخ دئییبلر حالوا پیشر دؤزومده ن
دؤزه دؤزه حسرت یاغیر گؤزومده ن
دانیشیرام یاپیشیرلار سؤزومده م
دانیشمیرام ، اینجی ییره م اؤزومده ن
آراشدیرا ر زامان تاپار دوغرونو
بوشلار گوناهسیزی ، دوتار اوغرونو
ائلیمیزین خسته لری ، یورغونو
یورولماسین ائلمان کیمی ، دؤزومده ن
یورولماسین ائل یولونده ، دؤزومده ن
امیر نصیری ( ائلمان زنگانلی )